Փորձի փոխանակում

Օգոստոսի 14-ին Բաթումի քաղաքապետարանում տեղի ունեցավ ծրագրով նախապես չպլանավորված, սակայն շատ արդյունավետ հանդիպում: Տեղի ակտիվ երիտասարդության հետ, որոնք պրակտիկա էին անցնում Բաթումիի քաղաքապետարանում Պրոգրես ՀԿ-ի կողմից իրականացվող նմանատիպ ծրագրի շրջանականերում:

Հանդիպումն սկսվեց երկու կողմերի ծանոթությամբ, յուրաքանչյուր կողմ ներկայացավ, ներկայացրեց իր կողմից իրականացվող ծրագիրը: Հանդիպման ընթացքում առաջարկվեցին հետաքրքիր գաղափարներ ` կապված «քույր քաղաքների» ոչ միայն ՏԻՄ այլև ոչ - քաղաքական կազմակերպությունների համագործակցության նպատակով: Մասնավորապես առաջարկվեց որպես ներկայիս ծրագրերի երկուստեք շարունակություն ապահովել ևս մեկ` համատեղ ծրագիր: Այս անգամ արդեն Բաթումի-Վանաձոր այցելության փորձի փոխանակությամբ: Բաթումիի և Վանաձորի ՏԻՄ-երի պաշտոնական ներկայացուցիչնեըն իրենց ոգևորությունը և աջակցութունը հայտնեցին նմանատիպ նախաձեռնություններին:

Հանդիպման վերջում երիտասարդները ունեցան հնարավորություն ոչ- ֆորմալ շփման և գաղափարների փոխանակման: Ձևավորված էր ընկերական մթնոլորտ, բարեկամական տրամադրվածություն և խոսքը գործի վերածելու հստակ դիրքորոշում:

Երիտասարդները հրաժեշտից առաջ փոխանակվեցին կոնտակտային տվյալներով` հետագա համագործակցությունը վիրտուալ հարթակում շարունակելու համար:

Մենք Բաթումի քաղաքապետարանում

Մոտենում է իր ավարտին «ՏԻՄ թափանցիկությունը երիտասարդների ուժերով» ծրագիրը: Օգոստոսի 12-15 ծրագրի 8 մասնակիցները և ՏԻՄ-ի 5 անդամները` 3 ավագանի, 2 քաղաքապետարանի բաժնի պետեր, պաշտոնական այց կատարեցին Վանաձորի քույր քաղաք` Բաթումի: Այցի նպատակն էր ծանոթանալ Բաթումի քաղաքի ՏԻՄ-ի կառավարմանը, մասնավորապես` քաղաքի գործունեությանն ու աշխատանքներին, ինչպես նաև կատարել փորձի փոխանակում տվյալ ոլորտում: Ծրագրի մասնակիցները ջերմ ընդունելության արժանացան Բաթումիի քաղաքապետ` Ջեմալ Անանիձեի և քաղաքապետարանի այլ աշխատակիցների կողմից: Հանդիպման ընթացքում ներկայացվեցին քաղաքապետարանի կատարած և կատարվելիք աշխատանքների մասին, լայն հնարավորություն ընձեռվեց մասնակիցներին հղել իրենց բոլոր հետաքրքրող հարցերը և ստանալ դրանց սպառիչ պատասխանները: Եղան առաջարկներ նաև հետագայում համատեղ ծրագրերի իրականացման և փոխադարձ այց կատարելու վերաբերյալ: Նշենք, որ հանդիպումն անցավ ջերմ, ընկերական մթնոլորտում: Հաջորդիվ տեղի ունեցավ  Բաթումի քաղաքի կողմից կազմակերպված նմանատիպ ծրագրի մասնակիցների հետ հանդիպումը, որին առավել մանրամասն կարող եք ծանոթանալ հաջորդ նյութում: Տեղեկացնենք նաև, որ բացի պաշտոնական այց քաղաքապետարան, մասնակիցներին հնարավորություն ընձեռվեց անցկացնել իրենց ակտիվ հանգիստը` կատարելով փոքրիկ էքսկուրսիա Բաթումի քաղաքի տեսարժան վայրերով:

 Գիտելիքներ, փորձ, տեղեկատվություն, ակտիվ հանգիստ, նոր ծանոթություններ, ընկերներ, արևային տրամադրություն և հաճելի ժամանց. ահա այն ամենը ինչ իրենց հետ հայրենի քաղաք բերեցին ծրագրի մասնակիցները:

 Հ.Գ. Շնորհակալություն ՀԿ Կենտրոնին ընձեռված հնարավորության համար...

Այսօր՝ 26.07 Ֆորտունա մարզային հեռուստաընկերությունում հերթական անգամ պրակտիկա անցանք մենք՝ ծրագրի մասնակիցներս:  Թեման շատ հետաքրքիր էր և շատ օգտակար: Լուրերի մեկնաբան և հեռուստաընկերության գլխավոր խմբագիր Սարգիսը շատ մանրամասնորեն  ներկայացրեց լրագրող-հաղորդավարին բնորոշ գծերն ու էթիկական կանոնները,օրինակներ բերելով սեփական փորձից: Վերջում մեզ միացավ հեռուսաընկերության տնօրենը և քննարկումն ավելի հետաքրքիր դարձավ: Տեղեկացնեմ, որ հաջորդ պրակտիկայից՝ 30.07. սկսվելու են ռեպորտաժների նախապատրաստական աշխատանքները,այպես որ մեզ սպասվում է էլ ավելի հետաքրքրի պահեր: Վերջում խմբի անունից կցանկանայի շնորհակալություն հայտնել Ֆորտունա հեռուստաընկեությանը՝ ընկերական և բարի մթնոլորտի համար:

 
        Սիրով պետք է տեղեկացնեմ, որ մեր խմբի կողմից պատրաստված առաջին տեսանյութը արդեն պատրաստ է: 
       Հուլիսի 24-ին Լոռի հեռուտաընկերության եթերում ցուցադրվեց մեր մի քանի պրակտիկաների ընթացքում սովորած գիտելիքների արդյունքը՝ տեսանյութը: Պրակտիկայի ընթացքում իր փորձն ու գիտելիքներն էին մեզ փոխանցում մեր պրակտիկայի ղեկավար Հրայրը և պրակտիկայի մասնակիցներից Ելենան, ով ևս աշխատում է հեռուստաընկերությունում: Նրանց օգնությամբ էլ ծանոթացանք և սովորեցինք թե ինչես նկարահանել տեսանյութ, գրել “ճիշտ” նյութեր, կարդալ և ձայնգարել այդ նյութերը, ինչի վառ ապացույցն է արդեն իսկ եթերում ցուցադրված, մեր պատրաստած տեսանյութը: Այդ ամենը տեղի էր ունենում հեռուստաընկերության աշխատակիցների ընկերական և ջերմ մթնոլորտում: 
       Մեր ամբողջ խմբի անունից շնորհակալություն եմ հայտնում Լոռի հեռուտաընկերության ողջ անձնակազմին իրենց ջերմ վերաբերմունքի համար:
        Հաջողություն մաղթենք մեր դեռևս շարունակվող պրակտիկային, հուսալով, որ հաջորդ տեսանյութը ևս կպատրաստենք ի շնորհիվ թիմային աշխատանքի և մեծ պատրաստակամության:
     Տեսանյութը կարող եք դիտել հետևելով նշված հղմանը.
http://www.youtube.com/watch?v=mUwIGslYUiQ&feature=share&list=UURNoF6J_YwmL09LZxJGKSTg

՛՛ՀԿ՛՛- ից Քաղաքապետարան

Հուլիսի 22-ին ՛՛ՀԿ՛՛ կենտրոնի ծրագրի մասնակիցները,այսինքն մենք, հերթական այցը կատարեցինք քաղաքապետարան: Նիստերի դահլիճում մեզ ընդունեց սպորտի  և  ֆիզկուլտուրայի բաժնի պետ Գևորգ Մացակյանը: Պրն. Մացակյանը մանրամասնորեն ներկայացրեց Վանաձորի ընդհանուր պատկերը սպորտի բնագավառում և հավելյալ ինֆորմացիա տվեց մարզիկների և նրանց հաջողությունների մասին: Պրակտիկան հետաքրքիր էր ու ինֆորմացիայով լի:Իսկ այն մասնակիցները,ովքեր չէին եկել, ստորև ներկայացված ինֆորմացիայով կարող են հարստացնել գիտելիքները. Վանաձորի իրավասության (հովանավորության) տակ մտնում են քաղաքի 9 մարզադպրոցներ, որտեղ մարզվում են 2500-2600 մարզիկներ՝

- ՕՀՄՄՄԴ (Օլիմպիական հերթափոխի մենապայքարային մարզաձևերի մարզադպրոց)

- թեթև ատլետիկայի և ձմեռային մարզաձևերի մարզադպրոց

- ծանրամարտի մասնագիտացված մարզադպրոց

- շախմատի մարզադպրոց

- ֆուտբոլի մասնագիտացված մրզադպրոց

- Կենտրոն համալիր մարզադպրոց

- լողի մանկապատանեկան մարզադպրոց

- Տարոն համալիր մարզադպրոց

- Բազումի մենապայքարային մարզաձևերի մանկապատանեկան մարզադպրոց: